یەكێتی زانایان ئیدانەكردنی كۆمەڵ كوژی ئەفغانستان
باتمان - یەكێتی زانایان، ئیدانەی ئەو كۆمەڵ كوژیەیان كرد كە ئەمریكا لە شاری كوندوزی ئەفغانستان لە مەدرەسەیەكی ئاینی ئەنجامی دا.
ئەمریكا هێرشی ئاسمانی كردە سەر مەدرەسەیەكی ئاینی لە شاری كوندوزی ئەفغانستان، هاوكات ئاهنگی دەرچونی قوتابیان بو. لەئەنجامدا 100 كەس گیانیان لە دەست دا هەروەها بەسەدان كەهاوڵاتیش بریندار بون.
یەكێتی زانایانی كوردستانی توركیا بارەگای سەرەكی لە پارێزگای دیاربكرە، لە ڕاگەیەندراوێكی ڕۆژنامەوانیدا ئیدانەی ئەو هێرشەیان كرد كە ئەمریكا بۆ سەر مەدرەسەیەكی ئاینی لە ئەفغانستان ئەنجامی دا.
بەهۆ هۆشیاری بیركردنەوەی مسوڵمانەكان دژمن هێرش دەكاتە سەر مسوڵمانەكان كۆمەڵ كوژی ئەنجام دەدات، یەكێتی زانایان ئاماژەیان بەوە كرد بۆ ئەوەی داگیر كەر كۆمەڵ كوژی ئەنجام نەدات پێویستە مسوڵمانەكان یەك بگرن.
مەلا بەشیر شیمشەك، یاریدەدەری سەرۆكی یەكێتی زانایان لەڕاگەیەندراوەكە وتی: بەخشندەی و میهرەبانی خودا لەسەر ئەوانە بێت كە گیانیان لە دەست دا، بەهیوای چاك بونەوەی خێرا بۆ بریندارەكان.
شیمشەك وتی: بەرنەفرەتی خودا كەون ئەوانەی هێرشیان كردە سەر مسوڵمانەكان،" لە ئەفغانستان قوتابیانی مەدرەسەی ئاینی سەرقاڵی ئاهنگی تەواو كردن بون لەگەڵ مامۆستاكان و خانەوادەكانیان، لەهەمان كاتدا كراونەتە ئامانجی هێرشی ئاسمانی ئەمریكا، 100 كەس لە برا مسوڵمانەكانمان گیانیان لە دەست داوە زۆربەیان منداڵ بوینە، داواكارین لە خودای گەورە ئەوانەی گیانیان لە دەست داوە بیان خاتە ژێر میهرەبانی خۆی، بەهیوای چاك بونەوەی خێرا بۆ بریندارەكان هاوخەمی كەسوكارەكانیانین، ئێمە وەكو یەكێتی زانایانی كوردستانی توركیا ئەو كارە وەحشی گەریە ئیدانە دەكەین."
" ئەو هێرشە بۆسەر قورئان و ئیسلام كراوە"
شیمشەك وتی: ئەو هێرشە بەئارەزوبوە " ئەو هێرشە ئەوەمان نیشان دەدات لە هەرشوێنێك ئاژاوە هەبێت كەسە بەختەوەرەكانیش زەرەر دەبینن. ئێمە ئەو ڕوداوە بەم شێوەیە هەڵسەنگاندنی بۆ دكەین، ئەو هێرشە بۆ سەر قورئان و ئیسلام بوە."
"ترسان لە هەبونی هۆشیاری مسوڵمانەكان"
لەڕاگەیەندراوەكەدا شیمشەك باسی لەوەش كرد:" ئەو ڕوداوانە ئەوەمان پێ دەڵێت لایەنەكان لە هۆشیاری مسوڵمانەكان دەترسن نایانەوێت هۆشیار بین. لە ڕاگەیەندراوەكان باس لەوە دەكرێت لەئێستادا هەوڵی ئاشتی هەیە لە نێوان دەسهەڵاتی ئەفغانستان و تالیبان بۆ ئەوەی ئەو ئاشتیە سەر نەگرێت ئەو جۆرە هێرشانە ئەنجام دەدەن.
"بۆئەوەی مسوڵمانەكان لە دەستی داگیركەر ڕزگاریان بێت دەبێت یەك بگرن"
شیمشەك وتی، ئەمریكا هەر شوێنێكی داگیر كردبێت ئاژاوەی ناوەتەوە ئەو شێنەی خوێنی لێ دەچۆڕێت ،" پێویستە مسوڵمانەكان یەك بگرن تاكو دوژمن زاڵ نەبێت بەسەرمان چونكە، تاكە چارەسەر بۆ ڕزگاربونەمان لە ئاژاوە تەنها یەك گرتن و كاركردنە بەیەكەوە."
"كاتێك خوێنی مسوڵمانەكان دەڕژێت جیهان لە ئاستی كەڕ و ڵاڵە"
شیمشەك لەكۆتای ڕاگەیاندنەكەدا وتی:" زۆر بەداخەوە لە سوریا لە عێڕاق لە ئەفغانستان لە فەلەستین لە هەمو شوێنێك خوێن لە لاشەی مسوڵمانەكان دێت زوڵمیان لێدەكرێت بەدەستی داگیر كەر. لەو دوایەدا جارێكی تر سەهیۆنیەكان هێرشی وەحشی گەرانەیان كردە سەر مسوڵمانەكانی فەلەستین. كاتێك خوێنی مسوڵمانەكان دەڕژێت جیهان لە ئاستی كەڕ و ڵاڵە. ئێمە هەردەڵێین بۆ ئەوەی بەرەنگاری ئەو زوڵمە ببینەوە دەبێت ئێمەی مسوڵمان یەك بگرین بەیەكەوە كار بكەین." (İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
