وەقفی یەتیمەکان ڕاپۆرتێک لەبارەی چالاکیەکانیان لە مانگی تشرینی یەکەم بڵاو کردەوە

وەقفی یەتیمەکان ڕاپۆرتێک لەبارەی چالاکیەکانیان لە مانگی تشرینی یەکەمی ٢٠١٩ بڵاو کردەوە.

وەقفی یەتیمەکان کە لە ناو وڵات و دەرەوەی وڵات چالاکیەکانی خێرخوازی وەکو پێدانی مانگیانە بە یەتیمەکان و دابەش کردنی گۆشتی سوور و دروست کردنی بیری ئاو و سەردانی کردن بە خانەوادەی یەتیمەکان و سەربڕینی قوربانی لە دەروەی وڵات ئەنجام دەدات لە مانگی تشرینی یەکەمی ٢٠١٩ بە کۆی گشتی بە نرخی ١٥٠ هەزار و ٩١٤ لیرەی تورکی هاوکاریان ئەنجام دا.

ڕەجەب بۆزقر ئەندامی بەڕێوبەرایەتی وەقفی یەتیمەکان ڕاپۆڕتی چالاکیەکانیان لە مانگی تشرینی یەکەم بڵاو کردەوە.

ڕەجەب بۆزقر ئاماژەی بەوە کرد، هەموو مانگێک هاوکاری یەتیمەکان دەکەن و لە ناو ولات ٥٩ هەزار و ٥٥٠ لیرەی تورکی مانگیانەیان دابەش کردوە.

ڕەجەب بۆزقر وتی، "وەکو مانگیانە لەم مانگەدا لە ناو وڵات ٥١ هەزار و ٥٠٠ لیرە مانگیانەمان بە سەر ٥١٥ یەتیم بڵاو کرد. هەروەها ٤ هەزار و ٦٠٠ لیرە هاوکاریمان بە سەر ٤٦ قوتابی کە تەمەنیان لە ١٥ ساڵ گەورەترە و ڕەوشی ئابووریان باش نییە دابەش کرد. ٢ هەزار و ٥٠٠ لیرە هاوکاریمان بە سەر ٢٥ دایکی یەتیمەکان دابەش کرد. هەروەها هەزار و ١٠٠ لیرە هاوکاریمان بە خانەوادەی یەتیمەکانی سوریمان دا. بە کۆی گشتی لە ئەنجامدا ٥٩ هەزار و ٧٠٠ لیرە هاوکاریمان کرد."

بۆزقر لە بەردەوامی باسی لەوە کرد، "لە دەرەوەی وڵات ١٥ هەزار لیرە بە ١٠٠ یەتیم لە فەلەستین و ٨ هەزار و ٥٥٠ لیرە بە ٥٧ یەتیم لە یەمەن و ٢ هەزار لیرە بە ٢٠ یەتیم لە تورکستانی ڕۆژهەڵاتمان دا. کە واتە بە کۆی گشتی لە دەرەوەی وڵات ٢٥ هەزار و ٥٥٠ لیرە پارە بە یەتیمەکان درا."

"لەم مانگەدا بە کۆی گشتی ١٥٠ هەزار و ٩١٤ لیرە هاوکاری مادیمان دابەش کرد"

بۆزقر لە بەردەوامی باسی لەوە کرد، "لەم مانگەدا لە دیاربەکر و شارۆچکەکانی بە کۆی گشتی ٢٩٨ کیلۆگرام کۆشتی سوورمان دابەش کرد. بە کۆی گشتی بە سەر ١٣٩ خانەوادە دابەش کرا. هەروەها لە ئەفریقا ٣ قوربانیمان سەربڕی و بە سەر خانەوادەی یەتیمەکان دابەش کرا. لە وڵاتی گانای ئەفریقا ٤ بیری ئاومان دروست کرد. نرخی هەر یەک لەو بیرانە ١٣ هەزار و ٥٠٠ لیرە بوو کە بە کۆی گشتی دەکاتە ٥٤ هەزار لیرە. لەم مانگەدا بە کۆی گشتی ١٥٠ هەزار و ٩١٤ لیرە هاوکاری مادیمان دابەش کرد."(İLKHA)

 

هەواڵەکانی پەیوەندار

هەواڵی هەڵبژاردە

هەواڵەکانی گرنگ