سەبارەت بە مزگەوتی بەبری بە سوودی هیندۆئیستەکان بڕیار درا

دادگای باڵای هیندستان سەبارەت بە مزگەوتی بەبری کە سەبارەت بە زەویەکەی ناکۆکی لە نێوان مسوڵمانەکان و هیندۆئیستەکان هەبوو بە سوودی هیندۆئیستەکان بڕیار دا.

هیندۆئیستەکان لە ساڵی ١٩٩٢ مزگەوتی بەبریان خاپوور کرد و پلانیان هەبوو کە لە سەر شوێنی مزگەوت پەرستگایەک بۆ هیندۆئیستەکان دروست بکرێت کە ئەو ڕەوشە بووە هۆکاری ناکۆکی نێوان مسوڵمانەکان و هیندۆئیستەکان. دادگای باڵای هیندستان ئەمڕۆ لە بڕیارێکدا دروست کردنی پەرستگا بۆ هیدۆئیستەکان لە زەویەکە پەسەند کرد.

شوێنی مزگەوتی بەبری کە لە شاری مێژوویی ئایۆدیایە چەندین ساڵە بووە هۆکاری ناکۆکی لە نێوان مسوڵمانەکان و هیندۆئیستەکان.

هیندۆئیستەکانی تۆندڕۆ باسیان لەوە دەکرد کە لە سەدەی ١٦دا ئەو پەرستگایەی بۆ شای هیندوو راما دروست کراوە خاپوور کراوە و لە شوێنی مزگەوت دروست کراوە.

هیندۆئیستەکان لە ساڵی ١٩٩٢ مزگەوتی بەبریان خاپوور کرد کە لە سەردەمی بابوریەکان دروست کرابوو، لە ئەنجامی ئەو سەرهەڵدانانەی لە بەرامبەر ئەو ڕەوشە ئەنجام درا نزیکەی ٢ هەزار کەس گیانیان لە دەست دا.

لە هیندستان مسوڵمانەکان داوایان دەکرد کە لەوێ مزگەوت دروست بکرێت و هیندۆئیستەکانیش داوایان دەکرد لەوێ پەرستگایەک دروست بکرێت کە وا باوەر دەکەن کە شا راما کە وەکو خودا قبول دەکەن لەوێیە.(İLKHA)

 

هەواڵەکانی پەیوەندار

هەواڵی هەڵبژاردە

هەواڵەکانی گرنگ